ПРА МАСТАЦКІ ВОБРАЗ

Подробное решение Страница 233 стр. по литературе для учащихся 6 класса, авторов Л.К. Цiтова, A.I. Бельскii 2010



1. Якая самая істотная адметнасць мастацкай літаратуры?

Самая істотная адметнасць мастацкай літаратуры — вобразнасць. Пісьменніцкае майстэрства здольнае рабіць цуды, уздзейнічаючы на

чытачоў праз створаныя ім мастацкія вобразы. Мастацкая літаратура паказвае жыццё ў форме карцін, вобразаў, намаляваных словам.

2. Што такое мастацкі вобраз у літаратурным творы?

Мастацкі вобраз — гэта карціна жыцця, створаная пры дапамозе творчага ўяўлення пісьменніка, якая адлюстроўвае яго думкі і пачуцці і эмацыянальна ўздзейнічае на чытача.

3. Як ствараецца мастацкі вобраз?

Мастацкі вобраз ствараецца з дапамогай творчага ўяўлення, фантазіі, вымыслу аўтара. Выкарыстоўваючы свае жыццёвыя назіранні і ўражан'

ні, пісьменнік з мноства рэальных людскіх характараў, розных і непаўторных, выбірае тыя, якія яго надзвычай уразілі, усхвалявалі, выклікалі сімпатыі ці, наадварот, у нечым расчаравалі. І на падставе свайго жыццёвага досведу і ўласнай фантазіі майстар слова малюе вобраз чалавека адпаведна сваім перакананням, дае свайму герою ацэнку з уласнага пункту гледжання. І заахвочвае нас, чытачоў, разважаць, перажываць, хвалявацца разам з героем, успрымаць яго як рэальнага чалавека. Нездарма літаратуру называюць чалавеказнаўствам, мастацтвам стварэння характараў.

4. Якія мастацкія вобразы сустракаюцца ў літаратурных творах?

У літаратурным творы ёсць розныя вобразы: вобраз-персанаж

(літаратурны герой) — вобраз чалавека або жывой істоты, вобраз аўтара, вобраз-пейзаж — вобраз прыроды, вобраз-з’ява, вобраз-прадмет, у лірычных творах — вобраз-перажыванне. Усе яны дапамагаюць паказаць чалавечае жыццё.

5. Дайце характарыстыку вобраза Тоніка з апавядання Вячаслава Адамчыка «Салодкія яблыкі». Звярніце ўвагу на тое, як аўтар малюе знешнасць героя, паказвае яго звычкі і забавы, адносіны з іншымі персанажамі, выяўляе рысы яго характару і пачуцці (праз успрыманне навакольнага свету і людзей, праз учынкі і ўнутраныя перажыванні, асаблівасці маўлення).

Тонік быў звычайным вясковым хлопчыкам. Ён рос ў няпоўнай сям’і — у яго была толькі маці, але ўся вёска ведала, што яго бацька — кравец. З-за гэтага яму далі мянушку Паплісты. Ён быў:

“быў таўстагубы, і гэтак зацята глядзеў спадылба, як яго прызнаны цэлаю вёскаю, але не запісаны ў метрыцы бацька.”

Як і ўсе хлопчыкі, ён любіў купацца ў рэчцы, лавіць рыбу і ракаў, збіраў кулі, дапамагаў матулі па хатніх справах, пас кароў. Акрамя гэтага разам з іншымі рабятамі лазілі ў Мокуцеў сад за недаспелымі яблыкамі.

Калі да яго ў хату прыйшлі паліцаі, ён раскаўзаў у каго можна ўзяць каня для абоза. Вінаваціць хлопчка цяжка. Вайна такая, што цяжка зразумець, дзе свае, а дзе чужыя, ад каго найперш чакаць бяды. Праўда, як паводзіць сябе ў некаторых сітуацыях, Тонік ведаў. На пытанне паліцая, ці ёсць хто з іхняй вёскі ў партызанах, адказаў адмоўна, хоць і чуў пра аднаго. Ён проста паўтарыў словы старога Піліпа, якія той сказаў рыжаму немцу. Прамой віны Тоніка ў тым, што Мокуця застрэлілі паліцаі, няма. Разам з тым маральная адказнасць ёсць, бо ён недзе ў душы парадаваўся, што забіраюць у абоз гаспадара салодкіх яблыкаў. Пакуль ён вернецца з абозу, то, напэўна, забудзецца пра Тонікаў набег на сад, і пакарання можна будзе пазбегнуць. Тым больш, што аднойчы ў хлопчыка так ужо было, калі ён упусціў карову ў Жолудзеў авёс.

Аднак,к алі вярнуўся конь Мокуця, хлопчык пачаў перажываць. Гэта сведчыць пра тонкую, уражлівую натуру Марылінага сына: ён адчуў, што здарылася нешта нядобрае, што вінаваты ў нечым страшным і непапраўным. А пра Арсеніка ўжо ў пачатку апавядання чытаем, што "быў ён надта рахманы і вельмі разважлівы". У гэтага хлопчыка пачуцці прыглушаныя. Ён не адчувае бяды, жыве надзеяй, што ўсё будзе добра, як заўсёды. Таму ён і ў хаце доўга не затрымліваецца, калі ў сям'і гора, а імкнецца да сяброў.

Пасля таго, як усёж бацька не з’яўляецца Тонік не знаходзіць сабе месца. У душы героя ідзе змаганне: прызнацца ці не прызнавацца сябру, што гэта ён паказаў паліцаям Мокуцеву хату, сказаў, што ў іх ёсць конь. Некалькі разоў Тонік парываецца гэта зрабіць, і нарэшце робіць гэта. Калі стала вядома пра гібель Мокуця, Тонік цяжка захварэў. Ён узяў на сябе чужую віну — віну тых, хто распачаў жахлівую вайну, якая вымушае рабіць нялюдскія ўчынкі не толькі дарослых, але і дзяцей. Пісьменнік завяршае твор радкамі, якія даюць надзею на выздараўленне Тоніка: маці рыхтавала сыну напой з гарніку, "што памагае, як яна ведала, ад усіх хвароб". У адносінах да Тоніка можна адназначна сцвярджаць, што ў дзесяць гадоў для яго скончылася дзяцінства, і вінаватая ў тым вайна, якая адабрала ў яго радасць маленства.